إذا انت أمير و أنا أمير، مين بيسوق الحمير
أكل الهدية وكسر الزبدية
البيت ضيق والحمار رفاص
شو أحلى من العسل قال الخل ببلاش
عاشر المصلي بتصلي و عاشر المغني بتغني
بكره بنقعد عالحيطة وبنسمع الزيطة
لو كان الرجال بشاربهم لكان الصرصار اجدعهم
آخر العنقود سكر معقود
الي مالو حباب بلتموا عليه الكلاب
صار للشرشوحة مرجوحة و لأبو بريص قبقاب
رزق الهبل عالمجانين
يا شايف الطول يا خايب الرجا
وجع ساعة ولا كل ساعة
الإبن العاطل بجيب لأهله المسبه
بوكل اكل الجمال وبقوم قبل الرجال
من غير كيسك يا مذرُي ذرُي
أيلول ذيله مبلول
خبي حطباتك الكبار لعمك آذار
اللي بدري بدري واللي ما بدري بيقول كف عدس
لو في خير ما رماه الطير
اذا قولنالها اطبخي بتقول مريضه ... بس اذا قولنالها تعالي كلي بتقول وين ملعقتي الكبيره
الطول طول النخله و العقل عقل سخله
مجنون زت حجر بالبير ميت عاقل تا يطلعوه
مثل الي بتتباهى بشعر بنت خالتها
كوم حجار ولا هالجار
ضللك ورا العيار لباب الدار
اللي بوكل ع ضرسه بنفع نفسه
مين بشهد للعروس... إمها و خالتها و عشره من حارتها
ما حد بيقول عن زيته عكر
يوم الك ويوم عليك
سمره ونغشه، ولا بيضة ودفشه
العز للرز والبرغل شنق حاله
الجوز رحمة ولو كان فحمة
عندك عيش وعندي عيش وفراغة العين ليش ؟
ما ظل في الخم الا ممعوط الذنب
ريحة الإم بتلم
لا تذم و لا تشكر إلا بعد سنة و ست أشهر
أخذتك شطر بطر يا سنسونة روحي ، جيت أكيد العدى كدت أنا روحي
إبنك على ما ربيتيه و جوزك على ما عودتيه
الي بدق الباب بسمع الجواب
يا جاي بلا عزيمة يا قليل القيمة
الطويلة طالت التينة والقصيرة ظلت حزينة
ان ضربت إوجع وان طعميت إشبع
من طين بلادك لط خدادك وفي رواية أخرى سخم خدادك
اقلب الطنجرة على تمها بتطلع البنت لأمها
